Sot është afati i fundit për kërkimin e faljes që qeveria maqedonase i bëri gazetarit të “Fli po të mundesh” në Alpha Tv Goran Momiroski, është bërë e ditur në edicionin e djeshëm të emisionit.
Momiroski tha se nuk kishte ndërmend të kërkonte falje dhe të tërhiqej nga akuzat e bëra javën e kaluar në një emision me shefen e Komisionit Kundër Korrupsionit Biljana Ivanovska se kishte indikacione për një tregti nën ndikimin e zëvendëskryeministrit Fatmir Bitiçi dhe shefit të Agjencisë së Inteligjencës Erold Musli.
Momiroski më pas publikoi një hartë të aktiviteteve dhe lidhjeve ndërmjet institucioneve dhe zyrtarëve sipas të cilës bashkëshortet e Bitiçit dhe Musliut si pjesë e një konsorciumi joqeveritar ishin pjesë e një projekti prej 618 mijë eurosh.
Momiroski dje tha se është i gatshëm për gjykim pas padisë nga qeveria, ku do të sqarohen edhe shumë detaje të tjera lidhur me rastin që tashmë i është dorëzuar kryetares së Komisionit Kundër Korrupsionit.
Në emision, Momiroski i sugjeron zëvendëskryeministrit Bitiçi që të përgatitet për një rast tjetër gjyqësor, të gjejë një avokat të mirë dhe të analizojë nenin 353 të Kodit Penal pa specifikuar se për çfarë saktësisht bëhet fjalë.
Çfarë ka thënë Momiroski për padinë e qeverisë prej 38 minutash nga videoja Zaspij ako mozhesh
.
