Shkëndija ka fituar duelin ndaj Vardarit në Shkup, përderisa Struga Trim Lum në shtëpi triumfoi ndaj Sileksit të Kratovë në dy ndeshjet e zhvilluara sot në kuadër të xhiros së 10-të në Superligën e Maqedonisë së Veriut në futboll.
Skuadra tetovare doli dominuese në stadiumin “Boris Trajkovski” në Maxhari të Shkupit, duke e mposhtur Vardarin me rezultat 2-0.
Realizimi i parë i kuqezinjëve ishte perlë në vetë, kur në minutën e 65-të, Maksimov shënoi nga distanca, duke lënë të “shtangur” portierin e vendasve, Gaçevskin.
Fitoren për Shkëndijën e vulosi sulmuesi boshnjak, Aganspahiç që realizoi golin e dytë në minutat shtesë.