Lideri i Koresë së Veriut, Kim Yong-Un, ka ngritur alarmin e një konflikti të mundshëm bërthamor në gadishullin Korean. Pheniani fajëson Shtetet e Bashkuara për shtim të retorikave provokuese kundër Koresë së Veriut, në një kohë kur Perëndimi e akuzon këtë të fundit për dërgim të afro 10 mijë ushtarëve në Rusi.
Gadishulli Korean është shumë afër një konfrontimi bërthamor. Alarmin e ka ngritur udhëheqësi i vendit diktatorial, Kim Yong-Un për median shtetërore koreane.
Asnjëherë më parë palët ndërluftuese në gadishullin Korean nuk janë përballur me një konfrontim kaq të rrezikshëm dhe të mprehtë sa të mund të përshkallëzohej në luftën më shkatërruese termonukleare. Ne tashmë kemi shkuar aq larg sa mundemi në negociatat me Shtetet e Bashkuara, por ajo për të cilën u bëmë të sigurt nga rezultati nuk është gatishmëria e superfuqisë për të bashkëjetuar, por qëndrimi i saj i plotë i fuqisë dhe politika agresive dhe armiqësore ndaj nesh që nuk është kurrë ndryshe”, tha Kim Jong Un.
Media shtetërore e Koresë së Veriut nuk e ka komentuar akoma publikisht rizgjedhjen e Trump. Kim, në fjalimin, bëri thirrje për zhvillimin dhe përmirësimin e armëve “ultra-moderne” dhe u zotua të vazhdojë avancimin e aftësive mbrojtëse për të forcuar pozicionin strategjik të vendit, thekson Reuters.
Fjalimi i fundit i Kim erdhi mes kritikave ndërkombëtare për bashkëpunimin gjithnjë e më të thelluar ushtarak midis Phenianit dhe Moskës, me Korenë e Veriut që ka dërguar më shumë se 10,000 trupa në Rusi për të mbështetur luftën e saj kundër Ukrainës.
Javën e kaluar, Kim i kërkoi ushtrisë së vendit të përmirësojë aftësitë për të luftuar, duke fajësuar Shtetet e Bashkuara dhe aleatët e saj për nxitjen e tensionit në “fazën më të keqe në histori” dhe duke e quajtur gadishullin Korean “pikën më të madhe të nxehtë në botë”
Lideri koreanoverior ka akuzuar Shtetet e Bashkuara për shtim të tensioneve dhe provokimeve. Në një fjalim në një ekspozitë ushtarake në Phenian, Kim tha se përvoja e tij e mëparshme e negociatave me Uashingtonin nxori në pah politikën e tij “agresive dhe armiqësore” kundër Phenianit.
