Presidenti i Serbisë, Aleksandër Vuçiq, ka njoftuar se që nga nesër ndalohet liria e lëvizjes prej orës 20 e mbrëmjes ,deri në 5 e mëngjesit si masë parandaluese e përhapjes së virusit COVID-19.
Vendimi hyn në fuqi nga nesër dhe ndalohen të gjithë qarkullimi i të gjithë personave duke përjashtuar autoritetet dhe ata që punojnë në ndërrimin e tretë (natën)
“Nga nesër, prej orës 10 të mëngjesit, ndalohet qarkullimi për personat e moshës +65 vjeçare në zonat urbane, ndërsa në zonat rurale ndalohet qarkullimi për personat më të vjetër se 70 vjeç. I lusim personat e moshuar të na kuptojnë”, është shprehur Vuçiq.
Tutje, Vuçiq tha se dënimet do të jenë të ashpra për ata që i shkelin këto rregulla.
Ai premtoi se personat që qarkullojnë do të kontrollohen vazhdimisht nga autoritetet e shtetit serb.
Ushtria serbe do të mbikëqyr të gjitha vendkalimet kufitare, spitalet dhe qendrat e emigrantëve.
Presidenti serb gjithashtu tregoi se sa i përket rezervave ushqimore, gjendja është e mirë dhe nën kontroll.
