Rusia e gatshme për eksport të ilaçit avifavir

300

Për shkak të mungesës së ilaçeve kundër Kovid-19 në botë, Fondi Investues Direkt i Rusisë është i gatshëm ta eksportojë ilaçin “avifavir”, ndërsa vendimi është marrë pasi SHBA-ja ka vendosur t’i blejnë pothuajse të gjitha rezervat botërore në muajt e ardhshëm të ilaçit “remedivir”,  i cili përdoret për të njëjtin qëllim.

Duke theksuar se “avifavir” është më i mirë nga konkurrenca lidhur me efikasitetin, përfshirë edhe “remdesivir”-in, drejtori i përgjithshëm i Fondit, Kiril Dimitrijev, deklaroi se më shumë se 50 shtete në botë tashmë kanë shprehur interes për ilaçin rus, transmeton TASS-i.

“Në bashkëpunim me kompaninë farmaceutike “Kemrar”, prodhimi dhe disponueshmëria e “avifavir-it në botë do të zgjerohen në muajt e ardhshëm”, ka shtuar Dimitrijevi.