Transporti ndërmjet qyteteve është më i shtrenjtë. Nga sot, pasagjerët paguajnë nga 15 deri në 20% çmim më të lartë, në varësi të operatorit.
Çdo transportues e vendos çmimin vetë. Aktualisht më e larta është për Ohrin, i cili me rritjen e fundit në një drejtim paguhet 680, ndërsa bileta vajtje-ardhje është 930 denarë.
Me rritjen nga sot bileta për në Gjevgjeli kushton 520 denarë, ndërsa vajtje-ardhje 770 denarë. Plus që ka më shumë tarifa për në Gjevgjeli. Por çdo transportues vendos çmimin. Për linjat më të afërta, si Kumanovë apo Veles, çmimet janë rritur për 20,30 denarë, tha Masar Omeragic, transportues.
Arsyet e rritjes janë çmimet më të larta të karburanteve, materialeve rezervë, rrymës dhe shpallja – e diela është ditë jopune, ku sipas ligjit duhet të paguajnë më shumë mëditje për punonjësit.
Qytetarët janë të habitur. Pa asnjë njoftim, nga sot janë detyruar të paguajnë një biletë më të shtrenjtë.
Për momentin, çmimi i transportit ndërkombëtar mbetet i pandryshuar. Nëse do të ketë rritje për jashtë vendit, do të dihet në fund të këtij muaji. Transportuesit disa herë kanë kërkuar ndihmë nga shteti për të rritur tarifat apo për të anuluar shtetin me një pjesë të akcizës, por për momentin nuk kanë marrë asnjë përgjigje.
