Qeveria e Maqedonisë së Veriut ka dalë me reagim pas protestave të sotme nga Lidhja e Sindikatave të Maqedonisë, e cila kërkoi që paga minimale të jetë 500 euro. Nga Qeveria apelojnë te sindikata “që të mos e keqpërdorë situatën në shtet dhe të mos përpiqet ta shtrembërojë debatin me diçka që është po aq e rëndësishme”.
“Me përpjekje për krahasime pagash dhe shpërthime populiste të agresionit, vetëm dëshmohet sfondi partiak i një pjese të udhëheqjes së sindikatës. Kur bëjnë krahasime pagash, t’ju kujtojmë se ne si qeveri ishim kundër kur rriteshin pagat e funksionarëve, ndërsa sindikata atëherë heshti për të preferuarit e saj partiakë nga LSDM dhe BDI. Ashtu siç heshtën për vite të tëra derisa LSDM ishte në pushtet dhe e shkatërronin, plaçkisnin dhe shisnin shtetin. Por kjo është pas nesh”.“Ne e shohim këtë problem si një problem të gjendjes së vështirë dhe komplekse socio-ekonomike në vend, e jo si ambicie personale politike të një pjese të udhëheqësisë së sindikatës. Nivelin e diskutimit të ulim të gjithë pagat – për ne nuk është problem edhe t’i ulim pagat, por kjo nuk do t’ua zgjidhë problemin punëtorëve. Për më tepër, të rikujtojmë se kjo është qeveria e parë që miratoi vendim për ngrirjen e pagave të funksionarëve”.“Njëkohësisht, që kryeministri të ketë të njëjtën pagë si kryetari i sindikatës, atëherë kryetari i sindikatës duhet të fitojë zgjedhjet në zgjedhjet e ardhshme parlamentare, e para kësaj të ketë marrëveshje për t’u gjendur në listat e LSDM-së. Atëherë, nëse e voton populli, do të shohim nëse do të heqë dorë nga paga kaq lehtë. Nëse është aq i gatshëm të heqë dorë nga paga e tij, kjo flet keq për të dhe për natyrën e tij blofiste. Megjithatë, vetëm një person që ka shumë para mund të heqë dorë nga gjysma e pagës me kaq lehtësi”, thonë nga Qeveria.“Gjithashtu, mendojmë se problemi i punëtorëve mund të zgjidhet në mënyrë sistematike dhe me një qasje të vërtetë. Qasja e tanishme e këtyre njerëzve është e dëmshme ndërsa ata luajnë ruletë me diçka që për ta është përpjekje për karrierë politike dhe keqpërdorim, ndërsa për ne është çështje jetësore, pra jeta e punëtorëve. Me forcë dhe me këtë motivim të dukshëm partiak dhe me një qasje dashakeqe dhe të paarsyeshme, nuk do të arrijnë asgjë. Pse heshtën për 7 vjet? Populli e sheh këtë. Dhe bën dallim”.
“Ne përpiqemi dhe do të përpiqemi të gjejmë zgjidhje për punëtorët, sepse ky është një problem i grumbulluar për shtetin dhe për të gjithë ne. Ne bashkëndjejmë me gjendjen e vështirë dhe me problemet e popullit tonë dhe nga ky mision i yni nuk do të na largojnë sindikalistët e vetëquajtur të motivuar politikisht, të cilët ndjekin një agjendë partiake të LSDM-së dhe BDI-së, kundër të cilëve nuk thanë asnjë fjalë për 7 vjet dhe bashkëpunuan me ta, duke shijuar përfitimet e jetës sindikale”, thuhet në reagimin e Qeverisë.
