Polonia i ka ofruar Ukrainës avionët e saj luftarakë MIG-29. Ministria e Jashtme e Polonisë ka konfirmuar se është e gatshme që avionët t’i dërgojë në bazën ajrore amerikane Rammstein në Gjermani.
Këta avionë MIG-29 do t’i vihen në dispozicion qeverisë së SHBA dhe më pas mendohet se do t’i dorëzohen Ukrainës.
Polonia kërkoi edhe nga aleatët e tjerë të NATO-s që të veprojnë në të njëjtën mënyrë për të ndihmuar Ukrainën.
Të shtunën, Presidenti ukrainas Zelensky u bëri thirrje vendeve Perëndimore për më shumë avionë luftarakë. /tvklan.al
