Në tubimin e madh kundër qeverisë së udhëhequr nga presidenti serb, Aleksandër Vuciq, të shtunën në Beograd, pritet të ketë pjesmarrës edhe nga Kosova.
Për këtë ka filluar mobilizimi me serbët e këtushëm, anise jo të gjithë janë pro kësaj iniciative, njofton Klankosova.tv.
Organizatoret i kanë thënë Klanit se qëllimi i këtij aktiviteti është kundërshtimi kundrejt shantazheve, kërcënimeve e padrejtësive që po ndodhin para syve të tyre.-Advertisement-
Ndihen të shqetësuar edhe për studentët që tashmë janë pozicionuar në tendat e vendosura para presidencës në Beograd, çka i ka detyruar edhe këta të shkojnë atje.
Nënat e këtij komuniteti në Kosovë, druajnë për fëmijët e tyre, të cilët thonë se me zor po ia marrin, për ta mbrojtur pushtetin e Vuçiqit.
Nga ana tjetër, një numër i serbëve nga Kosova janë nisur që sonte për në kryeqendrën e Serbisë, për ta kundërshtuar qevrinë aktuale, duke iu bashkuar qindra-mijëra personave të tjerë atje.
