15.4 C
Tetovo
E enjte, 28 Mars, 2024
BallinaLajmeBotaMijëra gjermanë protestojnë kundër masave kufizuese të pandemisë

Mijëra gjermanë protestojnë kundër masave kufizuese të pandemisë

Mijëra njerëz në kryeqytetin gjerman dolën në protestë kundër kufizimeve të koronavirusit. Demonstruesit ankohen se masat e ndërmarra nga qeveria, përfshirë edhe mbajtjen e maskave, shkelin të drejtat dhe liritë e tyre.

Gjermania është prekur më pak nga pandemia sesa disa vende evropiane, por rastet kanë filluar të rriten përsëri.

Në 24 orë numri i të infektuarve shkoi mbi 900, ndërsa 7 persona humben jetën.

Mediat vendase bëjnë me dije se të paktën 15 mijë persona po marrin pjesë në protestat, me sloganin “Dita e Lirisë”.

Protestuesit mbajtën pankarta “Corona, alarm i rremë”, “Po na detyrojnë të mbajmë maskë”. Mes protestuesve ka pjesëtarë të ekstremit të djathtë, ashtu edhe mbështetës së teorive të konspiracionit që nuk besojnë në ekzistencën e Covid-19. Megjithatë shumica, sipas gazetarëve që kanë ndjekur këtë miting janë protestues që thjeshtë kundërshtojnë qasjen e qeverisë ndaj pandemisë.

Në revoltën e  tyre ka fraza te tilla si: “Kërkesa jonë është të kthehemi në demokraci. Larg këtyre ligjeve që na janë imponuar, ​me maska ​​ na bëjnë skllevër”.

Kufizimet në Gjermani përfshijnë vendosjen e  maskave në dyqane  dhe ne  transportin publik, rregulla të distancimit fizik dhe respektim i higjienës qe zbatohet në të gjithë vendin. Testi i detyrueshëm është futur për pushuesit që kthehen nga zonat me rrezik të lartë. Gjermania ka pasur më shumë se 210 mije raste të koronavirusit dhe mbi 9 mije vdekje që nga fillimi i pandemisë.

RELATED ARTICLES
- Advertisment -

Most Popular

Recent Comments