Ditën e sotme është zhvilluar protesta për ish-ushtarin e UÇK-së Dritan Goxhaj para kryeministrisë.
Ndërkohë në një moment protestuesve i janë bashkuar dhe tifozët kuq e zi, ndërsa ishin nisur drejt stadiumit për të parë ndeshjen Shqipëri-Poloni.
Në pamjet e siguruara nga TopChannel, tifozët dëgjohen duke brohoritur me thirrjet e UÇK-së.
Kombëtarja shqiptare e futbollit luan sot në 20:45 kundër Polonisë në “Air Albania”. Sfida e Tiranës është e pesta për dy skuadrat që luajnë në grupin E kualifikues të Euro 2024. Kuqezinjtë e Sylvinhos (7 pikë) mbajnë vendin e dytë në grup, me një pikë më pak se Çekia (8) dhe një pikë më shumë se Polonia (6).
Tanimë ethet e ndeshjes kanë nisur, me tifozët që janë nisur nga mbarë trojet shqiptare për të qenë në stadium.https://zeri.info/inarticle.html
Përballja e sotme do fillojë me një minutë heshtje, kjo për të nderuar viktimat e tërmetit shkatërimtar që goditi Marokun dje. UEFA ka vendosur që të gjitha ndeshjet e këtij raundi të nisin me një minutë heshtje dhe nderimi.
