Sekretari britanik i Transportit, Grant Shapps, në konferencën ditore për media njoftoi se janë regjistruar 3.896 raste të koronavirusit në 24 orët e fundit, duke e çuar numrin e përgjithshëm të të infektuarve në 215.260
Londër
Mbretëria e Bashkuar në 24 orët e fundit ka regjistruar 346 vdekje nga koronavirusi i ri (COVID-19), me çka numri i përgjithshëm i vdekjeve nga ky virus në vend është rritur në 31.587, transmeton Anadolu Agency (AA).
Sekretari britanik i Transportit, Grant Shapps, në konferencën ditore për media njoftoi se janë regjistruar 3.896 raste të koronavirusit në 24 orët e fundit, duke e çuar numrin e përgjithshëm të të infektuarve në 215.260.
Në 24 orët e fundit vendi ka kryer gjithsej 96.878 teste të dyshuara të COVID-19.
Pas shfaqjes për herë të parë dhjetorin e kaluar në Wuhan të Kinës, koronavirusi është përhapur në mbarë botën, ndërsa Organizata Botërore e Shëndetësisë (OBSH) shpërthimin e ka shpallur pandemi globale.
Sipas të dhënave nga Universiteti John Hopkins me bazë në SHBA, numri i të infektuarve me koronavirus ka tejkaluar shifrën 1.3 milionë, me mbi 276 mijë të vdekur.
