Maqedonia renditet e 63-ta sipas Indeksit të Sundimit të Ligjit të organizatës joqeveritare me bazë në Uashington Projekti Botëror i Drejtësisë. Në raportin e publikuar sot, vërehet se Danimarka kryeson listën, ndërsa në kuadër të Bashkimit Evropian, Bullgaria dhe Hungaria renditen më të ulëtat për sundimin e ligjit.
Ndër vendet e Ballkanit Perëndimor, vendi më i mirë është Kosova (57), e ndjekur nga Maqedonia e Veriut (63, në listën zinxhir 64) dhe Bosnja dhe Hercegovina (70). Mali i Zi nuk përmendet në listë. Serbia, e cila ka shënuar rënie krahasuar me vitin e kaluar, është në vendin e 83-të, ndërsa Shqipëria në vendin e 87-të nga gjithsej 140 vende të renditura.
Që nga viti 2009, indeksi i organizatës joqeveritare me bazë në Uashington “World Justice Project” ka matur zhvillimin e një qeverie të bazuar në sundimin e ligjit, bazuar në tetë faktorë: kufizimet në pushtetin e qeverisë, mungesa e korrupsionit, qeverisja e hapur, të drejtat themelore, rendi dhe siguria, zbatimi rregullator, drejtësia civile dhe drejtësia penale. Për Indeksin e Sundimit të Ligjit të këtij viti, u anketuan më shumë se 154,000 familje dhe 3,600 ekspertë ligjorë.
Danimarka, Norvegjia, Finlanda, Suedia dhe Holanda shquhen si shembuj të shtetit ligjor. Ata zënë pesë vendet e para në renditjen e shtetit ligjor. Gjermania është në vendin e gjashtë, sepse nuk ka marrë notat më të mira për transparencën e aktiviteteve qeveritare dhe administrative. Ndër të tjera, për shkak se shërbimet nuk janë mjaftueshëm të disponueshme për gazetarët.
