Linja ajrore vazhdon të pezullojë të gjitha fluturimet në vend deri më 30 maj.
“Wizz Air”, kompania më e madhe ajrore me kosto të ulët (low-cost) në Evropën Lindore dhe Qendrore, njoftoi se si rezultat i kufizimeve të zgjatura të udhëtimit për të gjitha fluturimet e huaja drejt dhe nga Republika e Maqedonisë Veriore, linja ajrore vazhdon të pezullojë të gjitha fluturimet në vend deri më 30 maj, përcjell albinfo.ch lajmin e mediave në Shkup.
Pasagjerët me bileta të rezervuara të prekura nga këto fluturime të pezulluara që kanë bërë rezervime direkt në kompaninë ajrore, do të njoftohen automatikisht përmes e-mailit, përcjell albinfo.ch.
120% e shumës totale do të transferohet automatikisht në llogarinë e tyre, dhe ata do të jenë në gjendje ta përdorin atë gjatë 24 muajve të ardhshëm për të blerë të gjitha produktet dhe shërbimet e Wizz Air.
Udhëtarët gjithashtu mund të zgjedhin mundësinë e kthimit të parave, e cila kërkon një kohë të gjatë për të përfunduar, dhe do të informohen për të gjitha hapat e nevojshëm për transferimin e parave përmes bankës ose kartës në një e-mail të veçantë.
Në këtë rast, pasagjerët do të jenë në gjendje të zgjedhin një rimbursim 100%.
Udhëtarët që prenotojnë përmes agjencive të udhëtimit, përfshirë agjensitë e udhëtimit në internet duhet të kontaktojnë kompaninë përmes së cilës kanë blerë biletat e tyre.
Wizz Air, kompania më e madhe ajrore me kosto të ulët (low-cost) në Evropën Lindore dhe Qendrore operon një flotë prej 121 avionësh Airbus A320 dhe A321, është një nga flotat më të reja të avionëve në botë dhe ofron më shumë se 710 rrugë nga 25 baza, duke lidhur 154 destinacione në 45 vende.
