Presidenti turk Rexhep Tajip Erdogan zhvilloi sot një bisedë telefonike me presidentin izraelit Isaac Herzog, pak pas bisedës telefonike me liderin palestinez Mahmud Abbas.
Sipas një deklarate nga presidenca turke, Erdogan i theksoi Herzogut se çdo veprim që “godet pa dallim popullin e Gazës” do të intensifikonte vuajtjet dhe do të përshkallëzonte më tej dhunën në rajon, duke bërë thirrje për frenim.
Siç e kishte siguruar më parë Abbasin, presidenti turk i tha homologut të tij izraelit se Ankaraja po bën çdo përpjekje për t’i dhënë fund armiqësive sa më shpejt të jetë e mundur.
