Drejtori i Agjencisë për Realizimin e të Drejtave të Bashkësive, Dalibor Kitanoviq, nuk po jep dorëheqje pas glorifikimit të kriminelit të luftës dhe përgjegjësit për gjenocidin, Ratko Mlladiq. Ai sot doli në rrjetet sociale me akuza ndaj kritikave dhe kërkesave për shkarkimin e tij.
Kitanoviq thotë se një pjesë e familjes së tij të ngushtë në Bosnjë e Hercegovinë i ka mbijetuar rrethanave të luftës falë njësive të rregullta ushtarake të udhëhequra nga Mlladiqi.
Ai shprehet:
“Sinqerisht i kërkoj falje kryeministrit të Qeverisë, z. Hristijan Mickoski, dhe anëtarëve të Qeverisë, të cilët për shkak të postimit tim u përfshinë në mënyrë të panevojshme në një përplasje politike dhe u ekspozuan ndaj sulmeve për diçka për të cilën nuk mbajnë asnjë përgjegjësi.”
Por, sipas tij, “skifterëve politikë”, “gjyqtarëve moralë të përhershëm” dhe atyre që dhimbjen e të tjerëve e shndërrojnë në municion politik, u thotë:
“Mos tregtoni me viktimat. Mos ndërtoni karriera politike mbi varre.”
Ndërkohë, Qeveria i ka kërkuar Kitanoviqit të tërhiqet nga posti i drejtorit, por nuk e ka shkarkuar. Të njëjtën gjë e ka bërë edhe me ministrin e Vetëqeverisjes Lokale, Ivan Stoillkoviq, partia e të cilit kishte glorifikuar Ratko Mlladiqin.
https://24.mk/details/kitanovikj-ne-dava-ostavka-za-velichenjeto-na-ratko-mladikj
