Të nderuar qytetarë,
Të nderuar përfaqësues të mediave
Udhëheqësit e Komunës së Tetovës, po i keqpërdorin paratë e tetovarëve për të bërë propagandë partiake. Këtë më së miri e dëshmojnë portalet dhe faqet partiake të cilat menaxhohen nga administratorët e komunës. Këto persona paguhen me paratë e tatimpaguesve, me paratë tona, ndërsa në vend se të punojnë në dobi të qytetarëve të Tetovës, ata punojnë për të glorifikuar partinë që i ka punësuar dhe kryetarin e Komunës së Tetovës.
Të nderuar qytetarë,
Në mungesë të punëve dhe projekteve konkrete, e vetmja gjë që u ka mbetur klanit të mafisë urbane që po udhëheqë aktualisht me Komunën e Tetovës, është që të shpifin, të linçojnë dhe të prodhojnë lajme të rejshme me portalet që i zotojnë, gjithmonë duke dëmtuar buxhetin e tetovarëve.
Andaj, nga këtu shfrytëzojmë rastin që t’i bëjmë apel Kryetarit të Komunës së Tetovës Bilall Kasamit, që fokusin ta kthej te qytetarët, e jo të lajmet e rrejshme dhe propaganda partiake. Komuna nuk është vend për rehatimin e militantëve partiakë.
Ju falemnderit!
