11.8 C
Tetovo
E premte, 29 Mars, 2024
BallinaLajmeKaos në Beograd.. Policia nxjerr protestuesit me forcë nga ndërtesa e televizionit-RTS

Kaos në Beograd.. Policia nxjerr protestuesit me forcë nga ndërtesa e televizionit-RTS

Protestuesit në Beograd që po kundërshtojnë siç thonë sundimin autokratik të presidentit, Aleksandër Vuçiç, hynë në ndërtesën e Radiotelevizionit shtetëror të Serbisë, të shtunën në mbrëmje.

Policia u fut në ndërtesë dhe nxori prej andej grupet e protestuesve përfshirë edhe disa udhëheqës opozitar. Disa nga drejtuesit e protestave thanë më herë se nuk do të largohen derisa nuk u jepet hapësirë në lajmet qendrore të së shtunës.

Ministri i Brendshëm serb Nebojsha Stefanoviç, paralajmëroi përndjekjen e atyre që hynë në ndërtesë, ndërsa ministri serb i Mbrojtjes, Aleksandër Vulin, i tha televizionit pro qeveritar Pink se protestuesit janë ‘fashistë” dhe duhet të dënohen me ashpërsi.

Ky ishte incidenti më i rëndë pas disa muajsh protesta kundër presidentit serb, teksa protestuesit po kërkojnë dorëheqjen tij, zgjedhje dhe media të lira dhe më shumë demokraci.

Kritikët e akuzojnë presidentin Vuçiç për vendosje të autokracisë nëpërmjet kontrollimit të rreptë të medias dhe nxitjes së gjuhës së urrejtjes ndaj kundërshtarëve. Ai i ka hedhur poshtë këto akuza

RELATED ARTICLES
- Advertisment -

Most Popular

Recent Comments