Agjencia e Punësimit publikoi shpalljet e para publike për masat nga Plani Operativ për programet aktive dhe masat për punësim dhe shërbime në tregun e punës për vitin 2022. Personat e papunë dhe punëdhënësit nga sot do të mund të aplikojnë për masat – Vetëpunësim, Praktikë dhe Punësim dhe rritje e personave juridikë.
Agjencia e Punësimit bën të ditur se për masën Vetëpunësim, për shkak të interesimit të madh, janë siguruar mjete financiare për hapjen e biznesit të tyre për 2000 persona. Përkrahja financiare për një person për të hapur biznesin e tij është 307.500 denarë ose deri në 615.000 denarë nëse dy bashkëshortë themelojnë kompani.
Nëpërmjet masës së Praktikës, 1620 të rinj deri në 34 vjeç do të kenë mundësinë të hyjnë në tregun e punës dhe të fitojnë njohuri praktike në një punë të caktuar. Personat do të përfitojnë kompensim mujor prej 9.000 denarë, përfshirë sigurimin për invaliditet dhe lëndim trupor të shkaktuar nga lëndimi në punë dhe sëmundjet profesionale dhe tatimin mbi të ardhurat personale për një periudhë deri në tre muaj.
- Masa Punësimi dhe rritja e subjekteve juridike u mundëson punëdhënësve nga ndërmarrjet mikro, të vogla dhe të mesme, ndërmarrjet sociale dhe organizatat e shoqërisë civile të zgjerojnë dhe zhvillojnë biznesin e tyre, duke krijuar vende të reja pune. Masa do të përfshijë 262 persona të papunë të regjistruar në ESA nga grupet e mëposhtme të synuara: të rinjtë deri në 29 vjeç, përfitues të asistencës minimale të garantuar, të papunë që kanë humbur punën pas shpërthimit të KOVID-19 dhe Romë, sqaron Agjencia e Punësimit.përcjell iportal.mk
Këto masa mund të zbatohen në 30 qendrat e punësimit. Për masën Praktika dhe Punësimi dhe rritja e personave juridikë ka mundësi për aplikim elektronik përmes sistemit e-Work, i disponueshëm në ueb faqen e Agjencisë për Punësim www.av.gov.mk.
Për realizimin e Planit operativ për punësim për vitin 2022 janë paraparë 1,8 miliardë denarë dhe pritet të mbulohen rreth 15.000 të papunë.
