Në një operacion policor ndërkombëtar, u arrestuan 37 persona të lidhur me atë që thuhet se është një bandë kriminale shumë e dhunshme nga Ballkani Perëndimor, tha Europol.
Operacioni, i cili përfshinte bastisje të shumta të njëkohshme në disa vende evropiane, u koordinua nga një qendër komandimi në Zagreb, Kroaci, me mbështetjen e oficerëve të Europolit të vendosur në terren.
Celula e fuqishme e krimit, tha agjencia, ishte kryesisht e përfshirë në trafikun e drogës dhe armëve të zjarrit në të gjithë Evropën.
“Gjatë hetimeve janë arrestuar gjithsej 37 të dyshuar, mes të cilëve kreu i bandës, një shtetas i Bosnje-Hercegovinës, i cili konsiderohet si objektiv i nivelit të lartë nga Europoli dhe i cili aktualisht po vuan dënimin me katër vite burg në Itali.
