Në rrjetet sociale po përhapet një hartë interesante e Evropës, e cila tregon nëse do t’ju serviret ushqim si mysafir në vendet evropiane. Kontrolloni se cilës prej kategorive të mëposhtme i përket Maqedonia: “pothuajse gjithmonë”, “ndoshta po”, “ndoshta jo” dhe “pothuajse me siguri jo”. Çfarë mendoni ju?
Harta është postuar në profilin e Instagramit @loverofgeography, dhe postimi thotë se harta tregon se ku i keni shanset më të mira që “mikpritësit t’ju ofrojnë ushqim spontanisht”.
Edhe pse më poshtë thuhet se harta nuk është bërë me një metodologji super profesionale, ajo sërish duket mjaft e saktë dhe mbi të gjitha argëtuese.
Vendet ku me siguri do të hani diçka si mysafir janë të gjitha vendet e Ballkanit dhe të Mesdheut, me përjashtim të Francës dhe Italisë veriore. Të dy rajonet janë në kategorinë “po”, së bashku me Slloveninë, Hungarinë, Republikën Çeke, Sllovakinë dhe vendet e Evropës Lindore, duke përfshirë Balltikun. Në këtë kategori përfshihen edhe irlandezët dhe skocezët.
Fqinjët e tyre, anglezët dhe uellsianet, janë në kategorinë e tretë, së bashku me veriun e Francës, Belgjikën, si dhe vendet gjermanishtfolëse, ndërsa sipas kësaj harte do të hani më së paku në familjet në veri të Gjermanisë dhe Skandinavisë. .
