Zëvendëskryeministri Artan Grubi thotë se ideja që Ahmeti të jetë kandidat për kryetar të shtetit është e vështirë, sepse ai beson se ai, Ali Ahmeti nuk është në politikë për hir të detyrës, por për hir të një misioni të suksesshëm.
Ideja është e të gjithëve neve, e BDI-së, e votuesve, shteti e meriton që Ali Ahmeti të jetë president – thotë zëvendëskryeministri Artan Grubi në një intervistë për “360 Gradë” në MRT1. Sipas tij, Bashkimi Demokratik për Integrim ende nuk ka vendosur se kush do të jetë kandidati i tyre për kryetar të shtetit, pasi kjo çështje nuk është diskutuar në organet e partisë.
Nuk ka pasur mbledhje për të përcaktuar një kandidat për president të shtetit”. Bindja e Ahmetit është e vështirë. E dini qëndrimin e tij: “Unë jam misionar dhe nuk jam zyrtar. Unë nuk jam në parti politike apo në politikë për të marrë një zyrë, por që misioni im të jetë i suksesshëm”. Dhe para këtij argumenti, ne të gjithë duhet të tërhiqemi. Por nëse pyet ndonjë anëtar të BDI-së, cilindo votues të BDI-së, sigurisht që do të zgjedhin Ali Ahmetin për president”- thotë zëvendëskryeministri Artan Grubi.
Grubi mohon se ideja që Ahmeti të jetë kandidat presidencial është personalisht e tij. Në BDI, siç thotë ai, paraprakisht ishte planifikuar që Ahmeti të propozohej për kryeministër të parë shqiptar, por pasi mori vesh për iniciativën, u takua me propozimin e tij – që Talat Xhaferi të zgjidhet kryetar i qeverisë teknike.
Në BDI ka shumë emra që mund të jenë kandidat për president, duke filluar nga nënkryetarë partiakë, sekretarë, veteranë, madje edhe jopartiakë – thotë Grubi. I pyetur nëse ministri i Jashtëm Bujar Osmani mund të jetë kandidat për president, Grubi thotë:
“Osmani mund të jetë një kandidat i shkëlqyer. Së shpejti do të duhet të merret një vendim, pasi mbledhja e firmave fillon më 23 shkurt, e cila duhet të zgjasë deri më 8 mars. Sido që të jetë, këtë javë do të mësojmë se kush është kandidati i BDI-së që do të jetë fitues në bllokun shqiptar me mundësi për të shkuar edhe në raundin e dytë”. – shton Grubi.Ai pret që në zgjedhje të dalin rreth 200 mijë votues shqiptarë dhe sipas përllogaritjeve të tij mbi 100 mijë do të votonin për kandidatin e BDI-së në raundin e parë.
