Në disa ski-pista në Mavrovë të dielën rreth orës 14 ka ndodhur një përleshje mes disa personave nga Gostivari dhe qytetarëve të Kosovës. Nga përleshja ka pasur edhe të lënduar, tha policia. Të gjithë pjesëmarrësit në përleshjen masive janë ndaluar në stacionin policor të Gostivarit.
“Disa shtetas të Kosovës dhe disa persona nga Gostivari janë ndaluar në stacionin policor për shkak se kanë marrë pjesë në një përleshje fizike rreth orës 14, në pistën e skijimit të Bistrës dhe për shkak të një keqkuptimi të mëparshëm. “Në përleshje janë përdorur objekte të forta”, konfirmoi policia.
