Gjykata Evropiane për të Drejtat dhe Liritë e Njeriut sot e shpalli aktgjykimin për rastin Mile Janakieski kundër Maqedonisë në lidhje me paraburgimin për lëndët “Organizata e 27 prillit” nga shkurti 2019 dhe “Hapat spanjollë” nga qershori i të njëjtit vit. thekson se ish-ministrit të Transportit dhe Post-Telekomunikacionit i janë shkelur të drejtat nga neni 5 i Konventës Evropiane për të Drejtat e Njeriut.
“Rasti ka të bëjë me dy procedura penale kundër z. Janakieski, e para për kërcënim terrorist të rendit kushtetues dhe e dyta për keqpërdorim të pozitës zyrtare, gjatë së cilës është cenuar liria e tij me vendime të gjykatave vendore. Duke u mbështetur në nenin 5 (e drejta për liri dhe siguri) të Konventës, z. Janakieski parashtroi ankesë për gjoja paligjshmëri dhe arbitraritet, mungesë të arsyeve relevante dhe të mjaftueshme dhe mungesë të së drejtës së shpejtë për ankesë ndaj heqjes së lirisë”, thuhet në komunikatë. nga Gjykata e Strasburgut.
Sipas aktgjykimit, shteti do të duhet t’i paguajë dëmshpërblim total prej 6100 euro për Janakieski. Nga kjo shumë 3900 euro për dëm jo material dhe 2200 euro për shpenzime.
