Kanë kaluar më shumë se tetë orë që kur ka nisur bastisja e banesës së ish-këshilltarit, Adil Behramaj.
Edhe pas gjithë këtyre orëve Zyra e Prokurorit të Specializuar dhe EULEX nuk kanë dhënë detaje në lidhje me këtë aksion.
“Zyra e Prokurorit të Specializuar nuk komenton hetimet e saj” – kanë thënë nga Zyra e Prokurorit të Specializuar.
Një bastisje e tillë po shihet si e paprecedent. Në afërsi të banesës së Behramajt gjenden forca të shumta të Policisë së EULEX dhe Policisë së Kosovës.
