Fotografia e qarkulluar së fundmi në rrjetet sociale, ku pretendohet se ditëlindja e biznesmenit të njohur strugan, Argtim Hani, është mbajtur këto ditë dhe ka përfshirë praninë e ish-zëvendëskryeministrit Artan Grubi, është nxjerrë jashtë kontekstit dhe nuk përputhet me të vërtetën.
Nga kompania e tij “Hani Holding” me seli në Vjenë theksojnë për INA se festa e ditëlindjes së z. Hani është mbajtur më 14 dhjetor 2024, në lokalin e tij Skydrini në Strugë, ku kanë qenë të pranishëm miq dhe të afërm, si dhe disa figura të njohura nga fusha të ndryshme, përfshirë edhe Artan Grubin.
Megjithatë, disa burime kanë shpërndarë këtë fotografi duke aluduar gabimisht se festa është mbajtur këto ditë, duke tentuar të lidhin praninë e Artan Grubit në këtë event me situatën e tij të fundit. Siç konfirmohet nga burimet e INA, kjo është një dezinformatë e pastër. Festa e ditëlindjes ka ndodhur më 14 dhjetor dhe nuk ka asnjë lidhje me zhvillimet e mëvonshme që lidhen me ish-zëvendëskryeministrin.
Biznesmeni Argtim Hani është një ndër biznesmenët më të njohur shqiptarë në Austri i fokusuar në fushën e patundshmërive. Ai njihet si një personalitet që ka qëndruar gjithmonë larg politikës
