DPH njoftoi se nën ndikimin e një mase ajrore të lagësht dhe të paqëndrueshme nesër do të mbajë mot pjesërisht i vranët me reshje shiu. Pasdite në shumë vende do të jetë e paqëndrueshme me reshje të rrëmbyeshme, bubullima dhe erë të fortë jugperëndimore, thuhet në paralajmërimin e motit.
Sipas sinoptikanëve nga fundi i ditës dhe gjatë natës do të fillojë të fryjë erë e fortë veriore e cila do të bëjë që reshjet në male dhe në disa vende më të larta të kthehen në borë të dobët.
Në paralajmërimin e motit, DPH thekson se nga e marta do të mbajë erë dhe ftohtë me temperatura dukshëm më të ulëta gjatë ditës. Do të fryjë erë e fortë nga veriu, herë pas here me shpejtësi mbi 70 km/h. Më pas në ditët në vijim moti do të jetë stabil me ulje të temperaturave të mëngjesit, ndërsa gjatë ditës do të ketë rritje graduale.
