Gjermania ka bërë të ditur se ka shënuar rritje të konsiderueshme të shkallës së riprodhimit të COVID-19.
Shkalla e riprodhimit të koronavirusit në Gjermani vlerësohet aktualisht në 2.76, ndoshta kryesisht për shkak të shpërthimeve lokale, tha kreu i Institutit Robert Koch për shëndetin publik, Lothar Wieler, raporton Reuters, transmeton lajmi.net.
Një normë riprodhimi, ose “R”, prej 2.76 do të thotë që 100 njerëz që kontraktuan virusin infektojnë, mesatarisht, 276 të tjerë.
Kancelarja gjermane, Angela Merkel ka insistuar se shteti duhet ta mbajë shkallën e riprodhimit të koronavirusit nën shifrën 1, për të mos e ngarkuar përkujdesjen mjekësore të pacientëve.
