Prokuroria Themelore Publike në Ohër ka nisur hetim në lidhje me vdekjen e gruas 66 vjeçe nga Struga, e cila ishte diagnostikuar me Covid-19.
Sipas informacioneve paraprake, për shkak të përkeqësimit të gjendjes shëndetësore, mjeku amë i kishte rekomanduar pacientes tashmë të ndjerë të vazhdoj trajtimin mjekësorë në Spitalin Infektiv në Ohër. Por, përkundër referimit, pacienti nuk është pranuar në spital.
Prokuroria do të marrë masa për të zbardhur rastin dhe do të vërtetojë nëse ka fakte eventuale për përgjegjësi penale./Alsat
