Skender Buzaku, i cili pretendon se është kryetar formalo-juridik i Bashkësisë Fetare Islame është ftuar sot në Prokurori për siç tha, të dëshmuar ndaj kërcënimeve që merr nga kryetari i BFI-së Sulejman Rexhepi, shkruan gazeta Lajm.
“Sot jam fruar në Prokurori si si i dëmtuar për të dhënë deklaratë kundër Sulejman Rexhepit, sepse më 23 prill të këtij viti, ai para të gjitha mediave më shpalli mua i dalur nga feja. Me këtë deklaratë më ka sjellur në rrezik jetën mua dhe familjarëve të mi. Personi në fjalë duke marrë rolin e myftyut dhe xhelatit më shpalli mua vendim me vdekje dhe më solli mua në atë pozitë që të mos ndjehem i sigurtë në asnjë hap që bëj. Kjo nuk është hera e parë që ai përhap gjuhë të urrejtjes. Ftoj institucionet shtetërore që kundër këtij personi të merren masa të duhura sepse në të kundërtën ky person merr më tepër fuqi dhe bëhet i paprëkshëm” tha Buzaku, i cili komentoi edhe akuzat për falsifikimin e dokumenteve që Gjykata i ka pranuar si dëshmi gjatë vendimit për emërimin e tij si kryetar të BFI-së.
