Kryediplomati i Maqedonisë së Veriut, Bujar Osmani vizitën e tij në Serbi në rolin e kryesuesit të OSBE-së e nis nga Ambasada e SHBA-së në Beograd.
Ministri Osmani në rrjetin social “tuiter” ka shpërndarë foton me ambasadorin Kristofer Hill dhe ka falënderuar ambasadorin për përkrahjen e SHBA-së ndaj kryesimit të RMV me OSBE-në. Hill është i njohur për kontributin e tij edhe në Maqedoninë e Veriut si ambasador.
Osmani do të qëndrojë sot dhe nesër në Serbi për t’u takuar me krerët e lartë të shtetit serb. Osmani ka marrë kryesimin e OSBE-së nga muaji janar dhe do kryesoj me të njëjtën deri në fund të këtij viti.
