Nëse Arben Taravari mbetet në qëndrimin se nuk është i interesuar të jetë kandidat për president të vendit, atëherë atë garë, për koalicionin e partive opozitare të shqiptarëve, do ta drejtojë Bilal Kasami.
Këtë e tregon personalisht në një intervistë për “360 gradë” në MRT 1, kreu i Lëvizjes Besa, Kasami.
Mirëpo, Kasami pohon se biseda me Taravarin për këtë temë nuk ka përfunduar.
“Taravari tha se nuk është i interesuar, por nuk po diskutojmë për interesa personale, pretendime personale, por po diskutojmë interesin e shqiptarëve për të sjellë ndryshim”. Nëse së bashku vlerësojmë që Taravari do të jetë kandidati më i mirë për president, besoj plotësisht se Taravari do të jetë gati për të udhëhequr këtë garë, aq më tepër që në të gjitha bisedat që kemi pasur, të gjitha konsultimet, ai është theksuar si një kandidat serioz për të shkuar në raundin e dytë”, tha Kasami.
“Besoj se do të jetë shumë më e lehtë që të zbatohen ndryshimet kushtetuese në kombinim të opozitës maqedonase dhe asaj shqiptare sepse besoj se atëherë marrëveshja e arritur do të jetë më e lehtë për t’u zbatuar”, thotë kryetari i Besës dhe një nga liderët e koalicionit të partive opozitare të shqiptarëve, Bilal Kasami, në një intervistë për “360 gradë” në MRT 1.
Lidhur me qëndrimin e VMRO-DPMNE-së se jo vetëm tani por edhe në të ardhmen nuk do të votojnë për amendamentet kushtetuese në këto rrethana, Kasami komentoi:
“Besoj se do të jetë e mundur një marrëveshje e re për zbatimin e detyrimeve të ndërmarra, për dinamikën e zbatimit të marrëveshjeve të ndërmarra dhe dhënien e garancive shtesë.
Në këtë kontekst, Kasami e konsideron të drejtë qëndrimin e VMRO-DPMNE-së.
“Mendoj se për ta është qëndrim korrekt sepse mendojnë se Maqedonia e Veriut u pajtua me Bullgarinë pa pasur, le të themi, mbështetje dhe legjitimitet të plotë nga qytetarët e Maqedonisë së Veriut për një marrëveshje kaq të rëndësishme”, thotë kreu i Besës.
