Presidenti i SHBA-së, Xho Bajden sot i nënshkroi instrumentet për ratifikimin e protokolleve inkuadruese në NATO për Republikën e Finlandës dhe Mbretërinë e Suedisë.
Me këtë rast, sekretari shtetëror Entoni Blinken ju bëri thirrje vendeve-anëtare të tjera të Aleancës t’i ratifikojnë protokollet.
“Jemi të kënaqur me përparimin e shpejtë të Finlandës dhe Suedisë duke u bërë aleatë në NATO. Ekziston një mbështetje e fortë, federale dhe dypartiake për aplikimet për anëtarësim të Finlandës dhe Suedisë, dhe mezi pres hyrjen e tyre të shpejtë në aleancën më të fortë të mbrojtjes në histori”, deklaroi Blinken.
Ai shtoi se NATO mbetet e përkushtuar ndaj politikës së saj të dyerve të hapura dhe për forcimin e bashkëpunimit bilateral të mbrojtjes dhe sigurisë.
