Ka pasur dekada tensionesh, sulmesh dhe luftërash të gjithanshme mes Izraelit dhe Hamasit. Mirëpo, kriza aktuale është e ndryshme dhe e rrezikshme – mbi të gjitha për numrin e madh të pengjeve izraelite, por edhe numrin në rritje të viktimave izraelite.
Kryeministri i Izraelit Benjamin Netanyahu do të jetë nën presion të madh nga qeveria e tij e krahut të djathtë për të bërë atë që ai dhe liderët e tjerë izraelitë e kanë shmangur në të kaluarën – një ofensivë e madhe tokësore në Gaza, madje edhe më shumë, një riokupim të territorit nga trupat e saj që u patën tërhequr në vitin 2005.
Hamasi është gjithashtu gati për një luftë – sulmi i tij i guximshëm ka rezonuar me palestinezët e ngopur me kufizimet izraelite, të frustruar me udhëheqësit e tyre në Autoritetin Palestinez.
Kjo krizë vjen gjithashtu në një kohë kur Izraeli dhe Shtetet e Bashkuara kanë negociuar me Arabinë Saudite mbi atë që do të ishte një hap i madh për këtë të fundit për ta njohur shtetin hebre.
Hamasi tani u ka kujtuar të gjithëve se ata janë ende një forcë për që duhen marrë parasysh dhe se ka ende çështje të mëdha për t’u zgjidhur./BBC
