Sipas të dhënave të Bankës Popullore të Maqedonisë, depozitat e ekonomive familjare në bankat maqedonase në qershor ishin 5,002 miliardë euro.
Në maj, ky numër ishte më i ulët për 51.4 milionë euro.
BKM e rriti interesin bazë në disa raste, në korrik kjo rritje ishte 0.5 pikë përqindjeje, pra interesi bazë ishte 2.5 për qind.
Gjithashtu, BKM-ja vendosi uljen e rezervës së detyrueshme për detyrimet në denarë nga 6,5 për qind në 5 për qind, si dhe rrit normën e rezervës së detyrueshme për detyrimet në valutë nga 16,5 për qind në 18 për qind.
Kjo bëri që bankat maqedonase të rrisin normat e interesit për kursimet në denarë. Për depozitat me afat në denarë, normat e interesit në disa banka tashmë janë 2 për qind.
Në qershor u rritën edhe depozitat në valutë – 2,676 miliardë euro.
“Totali i depozitave të sektorit privat në qershor është më i lartë për 0,4 për qind krahasuar me muajin maj, dhe niveli i tyre është 1,8 për qind më i lartë në bazë vjetore. Në të njëjtën kohë, rritja e depozitave të individëve u përshpejtua dhe arriti në 1 për qind në bazë mujore, pra 5.2 për qind në bazë vjetore”, thuhet në deklaratën e Bankës Qendrore.
