Aleanca për Shqiptarët – krahu i Taravarit ka bërë të ditur se, Gjykata e Apelit në Gostivar ka kthyer në rigjykim lëndën e ASH-së dhe siç thotë, ka pranuar kërkesat e Arben Taravarit. ASH e Taravarit tha se vendimi final i Gjykatës së Apelit pritet të jetë në favor të tyre dhe partia dhe vulat t’i takojë Taravarit.
“Gjykata e Apelit në Gostivar ka kthyer në rigjykim lëndën e partisë politike Aleanca për Shqiptarët dhe ka pranuar ankesat e dorëzuara nga ana e përfaqësuesit ligjor të Arben Taravarit. Gjykata e Apelit e kthen lëndën në rigjykim pas vendimit paraprak që solli Gjykata Themelore në Tetovë, ku ajo zvarritej dhe u ndërruan disa gjykatës derisa u mor edhe vendimi skandaloz me presion nga ish ministri i drejtësisë, Krenar Lloga, që vulat e partisë t’i takojnë fraksionit që iu bashkua BDI-së.
Duke marrë parasysh dëshmitë e deponuara pranë Gjykatës së Apelit në Gostivar, vendimi final pritet që të jetë në favor tonin dhe partia së bashku me vulat të mbeten te kryetari legjitim i saj, Arben Taravari”, thotë ASH-krahu i Taravarit.
