Kryetari i Dinjitetit, Stojançe Angelov, sot në rrjetin social Facebook i ka dërguar një apel grupit parlamentar të LSDM-së për “përkrahje të propozimit për ligjin për kompensimin e invalidëve ushtarakë të pakompensuar dhe familjeve të branitellave”.
“Përderisa po votojnë ish-komandantin nga UÇK-ja që të bëhet kryeministër, le të marrin guxim dhe në ditët në vijim le të votojnë për ata që vdiqën apo u plagosën nga e njëjta UÇK nga radhët e së cilës është kryeministri, për të cilin votohet sot. Kuvendi i Maqedonisë sot do të votojë për zgjedhjen e Qeverisë teknike që do të udhëhiqet nga ish-kryetari i Kuvendit dhe kryeministri i ardhshëm, ish-komandanti i UÇK-së, Talat Xhaferi. Në vend të tij në Kuvend u zgjodh koordinatori i grupit parlamentar të LSDM-së, Jovan Mitreski”, shkruan Angelov.
Ai përmendi se “Në fund të nëntorit të vitit të kaluar, Dinjiteti ka paraqitur një iniciativë me Projektligj për ndryshimin dhe plotësimin e Ligjit ekzistues për Mbrojtësit i cili duhet të japë dëmshpërblim për rreth 10 invalidë ushtarakë dhe rreth 15 familje të mbrojtësve të rënë që janë ende të pakompensuar. Me nënshkrimet e tyre, grupi parlamentar i VMRO-DPMNE-së i dha mbështetje të qartë kësaj nisme, e cila e bëri projektligj zyrtar. Me arsyetimin siç potencoi Angelov se është dërguar për përkthim në gjuhën shqipe, Talat Xhaferi ka shmangur vënien në rendin e ditës të këtij propozim-ligji, edhe pse ai përbëhet vetëm nga një nen thelbësor.
“Në emër të dhjetë invalidëve ende të pakompensuar ushtarakë dhe pesëmbëdhjetë familjeve të ushtarëve të rënë, i bëj thirrje kryetarit të ri të Kuvendit që menjëherë ta vendosë në rend dite këtë propozim ligj dhe grupit parlamentar të LSDM-së ta mbështesë. Me mbështetjen e propozimit për Ligjin e Dinjitetit do të korrigjohet një padrejtësi e madhe që u është bërë invalidëve ushtarakë dhe familjeve të branitellave, por në të njëjtën kohë VMRO DPMNE do të heqë bllokadën e Ligjit për punonjësit e mbrojtjes të cilën e bllokuan me mbi 1500 amendamente. Shumë faleminderit grupit parlamentar të VMRO-DPMNE-së me shpresën se grupi parlamentar i LSDM-së në fund të mandatit do të marrë guxim dhe do të guxojë t’i mbështesë ushtararët dhe familjet e branitellave nga viti 2001. Ashtu siç sot do t’i japin përkrahje një ish-komandanti nga UÇK-ja, nga e njëjta UÇK që vrau apo plagosi bashkëluftëtarët tanë për të cilët kërkojmë dëmshpërblim”, shkruan Angelov në FB.
