Ali Ahmeti: Prioriteti ynë, interesat shtetërore

28

BDI pas mbledhjes së Këshillit të Përgjithshëm ka autorizuar kreun e partisë Ali Ahmeti për të vazhduar negociatat me aktorët politik në vend me qëllim gjetjen e zgjidhjes për dalje nga kriza politike. Negociatat do të zhvillohen me parti politike në dy blloqet.

javascript:”;

“Kryetari Ahmeti do të flasë me të gjitha partitë politike në dy blloqet, përveç partive destruktive të cilat janë qartazi të përcaktuara me programet e tyre kundër përcaktimeve strategjike të vendit tonë dhe qytetarëve”, tha Bujar Osmani, Zëdhënës i BDI-së

Osmani tha se të gjitha opsionet mbeten të hapura, përfshi edhe zgjedhjet e parakohshme parlamentare ose mbetja në opozitë.

“Të gjitha opsionet janë të mundshme, përveç kombinimeve të cilat janë në kundërshtim me interesat strategjike”, shtoi Osmani.

Para takimit kreu i partisë Ali Ahmeti deklaroi se në situatën në të cilën gjendet vendi, prioritet duhet t’i kushtohet interesave strategjike të vendit si marrëveshja me Bullgarinë dhe hapja e negociatave me BE-në. Duke komentuar shumicën e deklaruar nga lideri i opozitës, Ahmeti deklaroi se është e drejtë demokratike, por duhet parë përcaktimi i tyre programor. Kreu i integristëve hodhi poshtë zërat se deputet të partisë së tij janë në negociata për t’iu bashkuar shumicës së deklaruar nga Hristijan Mickoski.