Kryetari i BDI’së Ali Ahmeti thotë se s’ka asnjë lidhje në mes të Rusisë dhe Ballkanit të Hapur. Ai ka komentuar deklaratën e ministrit të jashtëm të Rusisië, Sergei Lavrov, për këtë nismë rajonale.
“Sa i takon deklaratës së Lavrovit, sigurisht që Lavrov është shumë i zgjuar, është shumë dinak, edhe ka hedhur një fishekzjarrë me të cilën fishekzjarrë do të merremi të gjithë ne tani se ‘Ballkani i Hapur është nismë dhe e mbështetur edhe nga Rusia””, tha Ahmeti.
“S’ka të bëjë kjo punë as me Lavrovin as me Kremlinin”, shtoi ai në “Çim Peka Live” në SyriTV.
