- Në të gjitha rripat e sigurimit, përveç atij të shoferit, ekziston një lak prej pëlhure që ndodhet relativisht afër kapëses.
Rripi i sigurimit i shoferit nuk ka lak, por një buton të vogël menjëherë poshtë kapëses. Arsyeja për vendosjen e këtij laku është siguria.
Laku prej pëlhure në rripat e sigurimit quhet lak për menaxhimin e energjisë. Ky element është projektuar të shqyhet nën stres të madh, domethënë ai mund të zbusë forcat që krijohen gjatë një përplasjeje dhe të ndihmojë në rritjen e sigurisë së pasagjerëve.
Kur laku shqyhet, ai zgjat rripin e sigurimit me disa centimetra, duke shpërndarë goditjen dhe duke parandaluar këputjen e rripit dhe dëmtimet e rënda.
Një funksion tjetër i këtij laku është që të parandalojë përplasjen e pakëndshme të kapëses me anën e brendshme të veturës kur ajo është në lëvizje dhe ulësja e pasagjerit është bosh.
Gjithashtu, ai e mban kapësen në një lartësi të përshtatshme për përdorim, duke penguar që ajo të rrëshqasë poshtë rripit dhe të përfundojë në dysheme. Rripi i sigurimit në anën e shoferit nuk ka lak, sepse pozicioni i shoferit është i optimizuar në lidhje me timonin dhe jastëkun e ajrit.
Po ashtu, rripi i shoferit duhet të jetë gjithmonë i lidhur gjatë lëvizjes së automjetit, kështu që nuk ka nevojë për material shtesë për të parandaluar përplasjen e kapëses me anën e veturës.
