Është diskutuar prej disa kohësh, por tashmë është konfirmuar edhe nga fituesi i çmimit Nobel në Fizikë, Giorgio Parisi, i cili vendosi ta zbulojë drejtpërdrejtë në rrjetet sociale se makaronat mund të gatuhen edhe kur nuk ka nxehtësi.
Ja cila është teknika që ju lejon të kurseni, veçanërisht në funksion të faturave të shtrenjta.
Teknika e gatimit nuk është e re. Disa thonë se e kanë mësuar nga gjyshja, ka nga ata që pretendojnë se e kanë përjetuar në kurset më të njohura të gatimit, ndërsa në internet ishte Dario Bressanini, vite më parë që do ta shpjegonte në Youtube.
Tani me rritjen që po pësojnë faturat e gazit dhe energjisë elektrike, fituesi i çmimit Nobel, Giorgio Parisi, është rikthyer për të folur për të.
“Kjo është hera e tretë që provoj dhe më duhet të them që funksionon! Pasi të ziejë ujin, hidhni makaronat dhe prisni 2 minuta … pastaj mund ta fikni lehtësisht gazin, thjesht përdorni një kapak dhe llogarisni një minutë shtesë nga koha e zakonshme. Të paktën 8 minuta kursim gazi! Duhet të ndryshojmë zakoneT dhe nuk është domosdoshmërisht një gjë e keqe” shkroi ai në facebook.
Si të gatuani makaronat me nxehtësinë e fikur dhe sa mund të kurseni
-uji vihet në valë, duke mbajtur kapakun në tenxhere për të shpejtuar kohën; pastaj hidhet kripa dhe makaronat;
-flaka mbahet për 2-3 minuta, gjatë së cilës zierja do të rifillojë dhe më pas fiket;
-mbylleni tenxheren me kapak përsëri duke i lënë makaronat të ziejnë 1-2 minuta më shumë se koha e treguar në paketë dhe më pas kullohen.
Është një mënyrë e thjeshtë gatimi, por ju lejon të kurseni shumë. Një studim i fundit i promovuar nga prodhuesit italianë të pastave të Unione Italiana Food, llogariti energjinë e nevojshme për të gatuar 200 gram makarona në mënyrë konvencionale (me tenxheren e zbuluar dhe me zjarrin ndezur) dhe me kapak të mbyllur.
Gjëja e parë që vini re është se, duke përdorur kapakun në fazën e vlimit ka një kursim fillestar prej 6% të energjisë, i cili mund të zgjatet në 13% nëse në vend që të gatuani makaronat me formulën klasike një litër ujë për 100 gramë, përdoren 700 ml për çdo 100 gramë.
Më pas, duke vazhduar gatimin me metodën e dytë, pra fikjen e zjarrit pas zierjes dhe mbajtjen e kapakut mbi tenxhere, mund të ketë një kursim prej 47% në energji dhe shkarkime CO2 (ekuivalenti i CO2).
Një kursim që padyshim, duke marrë parasysh një konsum mesatar vjetor prej 23,5 kg për person në rastin e italianëve, ka një krahasim edhe në aspektin ekonomik.
Bëhet fjalë për shifra midis 356 milionë dhe 2,6 miliardë kilovat orë në vit, 4100 m³ ujë, mjaftueshëm për të mbushur 1640 pishina me përmasa olimpike.
Një ndryshim i rëndësishëm, që gjithsesi nuk nis nga e para. Sipas studimit, vetëm 1 italian në 10 nuk përdor kapakun kur zien.
Tre në katër italianë ende përdorin 1 litër ujë për çdo 100 gram makarona, duke mos marrë parasysh se sot duhet shumë më pak për të gatuar makarona.
Ndërsa gatimi pasiv është ende larg përditshmërisë sonë, aq sa 9 në 10 italianë (89%) e mbajnë zjarrin të ndezur derisa gatimi të përfundojë.
Pavarësisht kësaj, 68% deklarojnë se janë të gatshëm të ndryshojnë zakonet e tyre të gatimit për të kursyer burimet mjedisore dhe ekonomike.
