Gjatë pandemisë së koronës, institucionet shtetërore kanë blerë rreth 150 automjete luksoze me vlerë 3.5 milionë euro, sipas analizës së prokurimeve publike të qendrës për komunikime civile. Komisioni Shtetëror për Parandalimin e Korrupsionit raporton se nevoja për blerjen e automjeteve të shtrenjta në kohë krize nuk është vërtetuar. Komisioni i bën apel qeverisë që të marrë masa të caktuara, të cilat do t’i detyrojnë institucionet të shpenzojnë paratë e shtetit në mënyrë të arsyeshme.
Ne propozuam një masë në strategji dhe i kemi dorëzuar zëvendëskryeministrit për qeverisje të mirë që është mirë si masë që të gjitha automjetet zyrtare të shënohen me targa të veçanta në një ngjyrë, masë që mund të zbatohet brenda një viti dhe do të na jep një pasqyrë sidomos gjatë orarit jo të punës se ku lëvizin ato automjete zyrtare për të cilat ne dëshmojmë se përdoren realisht për qëllime private.
Sipas Komisionit, edhe pse prokurimi i veturave zyrtare është paraparë në buxhetet e të gjitha institucioneve, qeveria duhet të përcaktojë në mënyrë rigoroze rregullat për prokurimin e veturave zyrtare.
Lidhur me keqpërdorimin e pozitës zyrtare, ndaj drejtorit të shërbimit për Çështje të Përgjithshme dhe të Përbashkëta është bërë ankesë anonime, me dyshimin e keqpërdorimit të fondeve dhe burimeve shtetërore, njofton Komisioni. Sipas raportit, gjatë vizitës dhe organizimit të një aktiviteti në Bullgari, drejtori ka marrë me vete punonjës në vend të ekipeve të planifikuara gazetareske përgjegjëse për monitorimin e ngjarjes. Pas raportimit, Komisioni i kërkoi drejtorit të dorëzonte dokumentacionin e plotë për udhëtimin, duke përfshirë numrin e gazetarëve që morën pjesë në aktivitet.
Brenda afatit të përcaktuar ligjor është dorëzuar një përgjigje nga drejtori i shërbimit dhe i gjithë dokumentacioni për personat që janë dërguar në udhëtime pune, nga ku konstatohet se punonjësit e kanë kryer udhëtimin me tre automjete zyrtare, por informacioni për numrin e gazetarëve të cilëve u mbuluan shpenzimet e udhëtimit.
Drejtori i Komisionit i bën apel Qeverisë që të shmangë udhëtimet e panevojshme të punës, krahas raporteve për shpenzimet e udhëtimit, të bëjë një përshkrim të detyrueshëm të arsyes së udhëtimit për punë dhe lidhjen me institucionin që e kryen atë. Ankesa anonime ndaj Drejtorit, së bashku me dokumentacionin e plotë, do t’i dorëzohet nga KDSHC-ja Qeverisë dhe Zëvendëskryeministrit përgjegjës për çështje të tilla.
