Deputetët e VMRO-DPMNE-së sot janë arratisur nga salla e seancës së paraparë për çështje parlamentare. Për të disatën herë deputetët e VMRO-DPMNE-së vijnë në Kuvend, firmosin për pjesëmarrje dhe ditarë, marrin shpenzimet e udhëtimit dhe më pas ulen jashtë sallës plenare, thuhet në njoftimin e LSDM-së.
Me sa duket VMRO-DPMNE janë vetëm kur duhet të shajnë, të gënjejnë qytetarët dhe kur duhet të mbrojnë kriminelët nga pallati i bardhë.
Sa herë që vihen në lojë interesat e qytetarëve dhe të shtetit, ata ikin dhe vendosen në anën e gabuar të interesave të shtetit, në anën e gabuar të historisë, thuhet në njoftim.
