Kryetari i Lëvizjes BESA Bilall Kasami nëpërmes rrjetit social FB ka përgëzuar Dritan Abazoviqin për Kryeministër të Malit të Zi ,përcjell telegrami.mk
Shkrimi në Fb
Shpreh kënaqësinë time për zgjedhjen e Dritan Abazoviqit kryeministër i Malit të Zi, në kohën kur i gjithë rajoni dhe bota po ndodhet para një sfide tepër të vështirë. Zgjedhja e Dritanit për kryeministër dëshmon se qytetarët e këtij vendi janë të orientuar drejt vlerave euro-atlantike. Nder edhe më i veçantë për mua dhe Lëvizjen BESA është fakti se një shqiptar i përfaqësuar në parlamentin malazez me katër deputet bëhet kryeministër duke eliminuar të gjitha paragjykimet dhe skepticizmin e shumë vendeve të tjera përfshi edhe vendin tonë. Përzgjedhja e kryeministrit Abazoviç do të hap rrugë të reja të komunikimit në mes vendeve të Ballkanit Perëndimor dhe Maqedonisë së Veriut, si një shtet që po bën përpjekjet të integrohet në BE.Në emrin tim personal dhe të Lëvizjes BESA uroj kryeministrin e Malit të Zi, për detyrën dhe obligimet që ka marrë nga sot.
