Aktori dhe regjisori Sean Penn ka thënë se ai do të shkrijë publikisht statujat fituese të Oskarit që ka marrë dhe do të bëjë thirrje për bojkot të ceremonisë, nëse presidenti ukrainas Volodymyr Zelensky nuk i drejtohet ngjarjes.
Në një prononcim për CNN, ai tha se kishte mësuar se akademia kishte vendosur që Zelenski të mos merrte pjesë në ceremoninë e Oskarit, e cila mbahet sonte. Sipas tij, nëse akademia e filmit nuk e lejon udhëheqjen në Ukrainë, të cilët marrin plumba për të mbrojtur shtëpitë dhe fëmijët e tyre, do të jetë momenti më i turpshëm në të gjithë historinë e Hollivudit.
Sean Penn udhëtoi në Ukrainë për të mbledhur donacione për viktimat e luftës dhe u takua me Presidentin Zelensky disa herë. Aktualisht ndodhet në Varshavë ku po përfundon një produksion dokumentar mbi luftën ruse në Ukrainë.
