Kryetari i Bashkimit Demokratik për Integrim (BDI), Ali Ahmeti ka komentuar akuzat e kryetarit aktual të Komunës së Tetovës, Bilal Kasami, për keqpërdorim të buxhetit të kësaj komune nga ish-kryetarja Teuta Arifi.
- Nëse zoti Bilal Kasami ka argumente për të folur, ka institucione, ka organe që mund t’i ngrenë këto çështje. “Nuk do të doja që çështjet e politikës ditore të fitojnë terren politik, të nxijnë personalitete, të nxijnë partitë politike që të përdorin gjëra të paargumentuara në procesin ligjor”, tha Ahmeti.
Këto komente Ahmeti i bëri gjatë pjesëmarrjes së tij në një manifestim kushtuar 14 vjetorit të Pavarësisë së Kosovës, të mbajtur në Teatrin Shqiptar në Shkup.
