Fermerët do të marrin më shumë para nga shteti për të mbuluar koston e naftës së gjelbër. Ministri Nikolovski theksoi se kjo masë është marrë sepse kjo kosto në të gjitha kulturat bujqësore është rritur për 13 për qind. Fermerët janë ankuar vazhdimisht për kosto më të larta të prodhimit, kryesisht për shkak të çmimeve më të larta të energjisë në tregjet botërore. Si pasojë u detyruan të rrisin çmimin e produkteve bujqësore. Autoritetet presin që rritja e mbështetjes financiare të zbusë ndikimin.
Nikolovski bëri të ditur se nga ky vit frutitarët do t’i marrin subvencionet paraprakisht, gjegjësisht në ato momente kur mendojnë se kanë nevojë më së shumti. Nga viti i ardhshëm kjo masë do të zbatohet edhe për kulturat e tjera.
Subvencionet për gjedhët dhe dhitë po rriten dhe po futen të reja. Nikollovski paralajmëroi edhe rritje të kontrolleve se si do të paguhen këto para, qëllimi është që mjetet të shkojnë në vendin e duhur.
