Bashkimi Evropian prezantoi sot një plan prej afro 43 miliardë euro për t’u bërë një prodhues i madh i mikroçipëve në një përpjekje për të reduktuar varësinë nga tregu aziatik për komponentin që përdor pothuajse në çdo gjë sot, nga makinat tek respiratorët e spitaleve te konzolat e lojërave.
Në një kohë kur mungesat e gazit natyror dhe mbështetja e Rusisë në energji tregojnë rreziqe politike të varësisë ekonomike, Bashkimi Evropian me Ligjin e tij të Çipeve po fillon të forcojë pavarësinë ekonomike në një sektor të rëndësishëm të prodhimit të gjysmëpërçuesve, raportojnë agjencitë.
Presidentja e Komisionit Evropian Ursula von der Leyen tha sot se çipat janë në zemër të garës globale të teknologjisë dhe themeli i ekonomive moderne.
Lëvizja ndjek shembullin e përpjekjeve të presidentit amerikan Joe Biden për të investuar 52 miliardë dollarë (pothuajse 45 miliardë euro) në prodhimin vendas të çipave.
Ekonomia është rikuperuar nga pandemia e koronavirusit të vitit të kaluar, por zinxhiri i furnizimit të gjysmëpërçuesve ka ngecur. Disa konsumatorë në Evropë duhet të presin deri në një vit për të marrë një makinë për shkak të mungesës së pjesëve të këmbimit.
Von der Layen tha se ligji evropian i çipave do të lidhte kërkimin, projektimin dhe testimin dhe do të koordinonte investimet e BE-së në vende të veçanta. Plani 43 miliardë euro bashkon fondet publike dhe private dhe ofron ndihmë shtetërore për të nisur investime të mëdha.
ЕУ вложува 43 милијарди евра во производство на чипови
