Si në nivelin qendror ashtu edhe në atë lokal, qeverisja e BDI-së dhe e LSDM-së nuk ka asnjë rezultat, nuk ka projekte dhe asnjë realizim, thotë VMRO-DPMNE. “Vetëqeverisjet lokale të udhëhequra nga kryetarët e LSDM-së dhe BDI-së në 100 ditët e fundit nuk kanë filluar dhe nuk janë realizuar asnjë projekt”, transmeton InfoShqip.
Për shembull, komuna e Strumicës, ndonëse ndryshon kryetari i tretë nga LSDM, por nuk e ndryshon zaevizimi. Qyteti i Strumicës është një nga më të ndoturit në Maqedoni, qytetarët paguajnë gazin dyfish më të shtrenjtë dhe nuk ka asnjë gjurmë e zë që nga fillimi i projektit kapital. Kostadin Kostadinov, në vend të investimeve kapitale të premtuara, kushedi sa herë e hap të njëjtin kopsht të realizuar para mandatit të tij dhe ende nuk mund ta vërë në funksion.
Ngjashëm është edhe në Strugë, ku sherifi vendor i BDI-së, Ramiz Merko, nuk mbetet mbrapa sa i përket paaftësisë së kolegëve të LSDM-së. Kështu Ramiz Merko kaloi 100 ditë të mandatit dhe nuk nisi, asgjë nga ato që premtoi si prioritet.
