Tetovë, 31 janar – Shoqata “Multikultura” nga Tetovca sot ka zbatuar aksion ekologjik në qytet me ç’rast në disa lokacione janë vendosur kuti për lënien e bishtave të cigareve. Kutitë duken si kuti votimi, ndërsa nga organizata joqeveritare erdhën në idenë duke e pasur parasysh vetëdijen e ulët ekologjike tek pirësit e duhanit të cilët gjithkund i hedhin bishtat e cigareve.
“Në bazë të kësaj vetëdije të ulët të qytetarëve, Multikultura sot ka realizuar një aksion mjedisor në Tetovë për vendosjen e bishtave të cigareve në kutitë e votimit. Këto kuti votimi janë vendosur në disa pika të qytetit për të zgjidhur problemin e bishtave të cigareve të hedhura dhe njëkohësisht ky veprim do të kontribuojë në përzgjedhjen e mbetjeve. Duhanpirësit mund të votojnë duke vendosur faturat përpara përgjigjes së tyre të preferuar për pyetjet e mëposhtme: Kush është lojtari më i mirë në botë? Cili është ekipi më i mirë në botë? Cila është marka më e mirë e cigareve? Mercedes vs. BMW vs. Audi”, deklaroi Majlinda Iljazi nga Multikultura.
Sipas informacioneve të organizatës vlerësohet se vetëm një e treta e bishtave të cigareve nga 18 miliardë bishta të cigareve në mbarë botën përfundon në mbeturina çdo ditë.
